Ku wa gatanu 03/08/2025 hasojwe iserukiramuco ryo gusoma no kwandika “Umurage International Books and Art Festival”, ryahuje abanditsi, abahagarariye inzu z’ibitabo, urubyiruko, abarimu, impuguke mu by'ubuhanzi ndetse n’abayobozi bafite aho bahuriye n’Umuco, Amateka n’Ubuhanzi. Iri serukiramuco ryabaye urubuga rwo kungurana ibitekerezo ku iterambere ry’ubuhanzi, kwigiranaho, kumenyana, no gushishikariza urubyiruko gukunda gusoma no kwandika. Hanasangiwe kandi amakuru n’ibikorwa bya Minisiteri y’Urubyiruko n’Umuco (MoYA) bigamije guteza imbere ubuhanzi n’umuco nyarwanda.