Irushanwa ryari ryitabiriwe n’amatorero atatu: Itorero Ingeri rya Kibogora Polytechnic (KP), Itorero Inganzo rya RP-Kitabi College, n’Itorero Ingeri y’Abeza rya RP-Karongi College. Itorero Ingeri rya Kibogora Polytechnic niryo ryabimburiye ayandi guseruka, rikurikirwa n’Itorero Inganzo rya RP-Kitabi College, mu gihe Itorero Ingeri y’Abeza rya RP-Karongi College ari ryo ryasoreje irushanwa.

Nyuma yo kwerekana ubuhanga mu mbyino gakondo, Itorero Ingeri y’Abeza rya RP-Karongi College ryegukanye umwanya wa mbere, mu gihe Itorero Inganzo rya RP-Kitabi College ryaje ku mwanya wa kabiri. Aya matorero yombi yabonye itike yo kwitabira amarushanwa ku rwego rw’igihugu, ndetse buri torero rihembwa amafaranga y’u Rwanda miliyoni imwe.

Aya marushanwa agaragaza ko imbyino gakondo ari imwe mu nzira zo gusigasira umuco nyarwanda, by’umwihariko mu rubyiruko. Ibigo by’amashuri makuru na kaminuza bikomeje gushyira imbaraga mu kwimakaza umuco binyuze mu marushanwa nk’aya, agira uruhare mu guteza imbere ubuhanzi gakondo n’iterambere ry’umuco mu gihugu.