Abayobozi n’abakozi ba Minisiteri y’urubyiruko n’iterambere ry’ubuhanzi (MoYA) n’ibigo bafatanyije bahuriye mu gikorwa cyo kwibuka Jenoside yakorewe Abatutsi mu 1994, Ku Rwibutso rwa Jenoside rwa Kigali, abakozi bibukijwe gukomeza kurangwa n’indangagaciro zubaka, ubumwe, umurava n’ubunyangamugayo mu mirimo yabo ya buri munsi.
 

Mu rwego rwo kwifatanya n’Abanyarwanda bose mu Kwibuka ku nshuro ya 31 Jenoside yakorewe Abatutsi mu 1994, Abayobozi n’Abakozi ba Minisiteri n’Ibigo bakorera hamwe birimo MoYA, MIGEPROF, REAF, RCI, NCDA, NYC, NWC, NPSC ndetse na YouthConnekt Africa Hub bahuriye kuri Kigali Genocide Memorial. Ni umuhango wabanjirijwe no kunamira no gushyira indabo ku mva zishyinguwemo inzirakarengane zazize Jenoside.

Mu ijambo ryatanzwe muri uwo muhango, Minisitiri yasabye abakozi b’ibi bigo gukomeza kurangwa n’umurava, ubunyangamugayo, gukunda umurimo no kuwunoza, kugira ubufatanye no kwirinda amacakubiri, gutanga serivisi nziza, gushyira imbere inyungu rusange, ndetse no kurangwa n’indangagaciro zubaka igihugu n’ubumwe bw’abanyarwanda.