Minisitiri Jean Nepo Abdallah yifatanyije n’urubyiruko rwo mu Murenge wa Bugarama mu birori by’umunsi mpuzamahanga w’urubyiruko, aho basabwe kwiga, kwirinda ingeso mbi no kubyaza umusaruro amahirwe abateganyirijwe.

Minisitiri w’Urubyiruko n’Ubuhanzi, Jean Nepo Abdallah, ari kumwe na Guverineri w’Intara y’Iburengerazuba, Ntibitura Jean Bosco, Meya w’Akarere ka Rusizi, Sindayigaya Phanuel, ndetse n’abafatanyabikorwa batandukanye, bifatanyije n’urubyiruko rwo mu Murenge wa Bugarama mu kwizihiza Umunsi Mpuzamahanga w’Urubyiruko.  

Minisitiri yaganirije urubyiruko, abagaragariza amahirwe y’iterambere abegereje, abashishikariza kwiga, kwirinda ingeso mbi no kugira imyitwarire myiza . Uyu muhango wahujwe na gahunda yo kwita ku rubyiruko mu biruhuko, aho abana n’urubyiruko biga ikoranabuhanga, ubuzima bw’imyororokere, umuco, isuku, siporo n’imyidagaduro, yaboneyeho gushimira ababyeyi uko bakomeje kohereza abana n'urubyiruko muri iyi gahunda. Umuhanzi Bwiza, umubyinnyi Titi Brown n’itsinda rye, umuhanzi w’Umunyarusizi Javanix  ndetse n’itorero ry’urubyiruko ryatoranyijwe ku ishuri rya St Paul, bafashije urubyiruko kwidagadura no kwishimira uyu munsi wihariye.