Mu Ihuriro ry’Urubyiruko rwo mu Cyaro (RYEF 2026), Minisitiri Utumatwishima yasabye urubyiruko gukora imishinga yarwo neza, kurangwa n’ubunyangamugayo, kwita ku buziranenge no kwirinda ibikorwa bishobora kugira ingaruka mbi ku baturage. Yabibukije kandi kwirinda ibiyobyabwenge n’inzoga zitujuje ubuziranenge kuko bishobora kubangamira intego zabo. Yashimangiye ko hakenewe ubufatanye bukomeye hagati ya Guverinoma, abafatanyabikorwa, ibigo by’imari n’abikorera mu guteza imbere imirimo y’urubyiruko no korohereza urubyiruko rwo mu cyaro kubona imari n’ubumenyi bw’ikoranabuhanga.