Mu rwego rw’Umuganda Wihariye w’Urubyiruko w’Igihembwe cya Mbere cy’umwaka wa 2026–2027, wabaye ku nsanganyamatsiko igira iti: “Irinde Ibiyobyabwenge – Wiheshe Agaciro”, Minisitiri w’Urubyiruko n’Ubuhanzi, Dr. Abdallah Utumatwishima, ari kumwe n’abandi bayobozi, yifatanyije n’urubyiruko rwo mu Karere ka Ruhango mu bikorwa byo gukora imihanda y’imigenderano no gusibura imigende y’amazi. 

Muri icyo gihe, Umunyamabanga Uhoraho muri Minisiteri y’Urubyiruko n’Ubuhanzi, Parfait Ishungure, ari kumwe na Guverineri Pudence Rubingisa n’ibyamamare mu ngeri zitandukanye, yifatanyije n’urubyiruko rwo mu Karere ka Ngoma mu bikorwa by’isuku mu nkengero z’umujyi. Ku rwego rw’igihugu, uyu muganda wibanze ku gusana ibisenge by’amazu n’ubwiherero by’abaturage batishoboye, gukora imirwanyasuri no gutunganya imihanda y’imigenderano, hagamijwe guteza imbere imibereho myiza y’abaturage no gushishikariza urubyiruko kugira uruhare mu iterambere ry’igihugu.