PS Ngabo Brave yifatanyije n’urubyiruko mu kwizihiza Umunsi Mpuzamahanga w’Urubyiruko, abibutsa uruhare rwabo mu iterambere rirambye no mu gusigasira ibyo u Rwanda rumaze kugeraho.

Mu karere ka Ngororero, Umunyamabanga Uhoraho muri Minisiteri y’Urubyiruko n’Ubuhanzi, Ngabo Brave, yifatanyije n’urubyiruko mu kwizihiza Umunsi Mpuzamahanga w’Urubyiruko, wahujwe na Gahunda yo kwita ku rubyiruko mu biruhuko. Yabasabye guharanira iterambere rirambye no kubungabunga ibyiza igihugu cyagezeho.

 Mu rwego rwo gususurutsa iki gikorwa, abarimo umuraperi BullDogg, Afrique na Mario baririmbiye urubyiruko. Mu butumwa bwe, BullDogg yasabye urubyiruko kubaha ababyeyi, abarezi n’ubuyobozi, yibutsa ko uburere n’uburezi ari inkingi zikomeye mu rugendo rwo kugera ku iterambere.