U Rwanda rwizihije Umunsi Mpuzamahanga w’Ururimi Kavukire ku nshuro ya 23, ku nsanganyamatsiko igira iti: “Dukoreshe, tunoze Ikinyarwanda hose.”

Minisitiri UTUMATWISHIMA Abdallah yashimiye urubyiruko rwaturutse mu Ishuri Umuco n’ababyeyi babo, ashimangira ko n’iyo umuntu yaba atuye kure y’u Rwanda, ashobora kugumana ururimi rwe ku mutima, akarutoza abo abana na bo, akubakiraho ishema ry’Ubunyarwanda ndetse akaruraga abazakomokaho. Yagaragaje ko gukoresha no kunoza Ikinyarwanda ari inshingano ya buri Munyarwanda, aho ari hose.