Mu gitaramo cya Summer Country Tour 2026 cyabimburiye ibindi mu Karere ka Musanze, Umunyamabanga Uhoraho, Ngabo Brave, yashimiye abaterankunga barimo BRALIRWA Plc, Airtel Rwanda na Coach Gael ku ruhare rwabo mu gushyigikira ibikorwa by'ubuhanzi no guteza imbere impano z'urubyiruko.

Mu butumwa yatanze, yashimiye byimazeyo Bruce Melodie na The Ben bateguye iki gikorwa cyiza. Yaboneyeho no kwibutsa urubyiruko kurangwa n'indangagaciro zikwiriye Umunyarwanda ndetse no guhora birinda ingeso mbi zabangiriza ubuzima, abasaba gukomeza kuba umusemburo w'iterambere binyuze mu mpano n'ibikorwa byubaka Igihugu.