Urubyiruko rugera ku 2,000 rwitabiriye Ihuriro ry’Urubyiruko Igihango cy’Urungano ryabereye ku Intare Arena mu rwego rwo kwibuka ku nshuro ya 32 Jenoside yakorewe Abatutsi mu 1994, by’umwihariko hibukwa urubyiruko rwishwe muri Jenoside. 

Muri iri huriro, Minisitiri Utumatwishima Abdallah yasabye urubyiruko kurangwa n’imyitwarire myiza no gukoresha ibimenyetso n’amateka ahari mu kuvuguruza uwari we wese ugoreka amateka y’u Rwanda. Yanasabye urubyiruko gukomeza kuzirikana ubutwari bw’Inkotanyi zahagaritse Jenoside yakorewe Abatutsi mu 1994 ndetse no gukomeza kurinda no gusigasira ukuri kw’amateka y’u Rwanda.